''Խաղաղութիւնը վտանգի մէջ է ''` Ացիոնէ Քաթթոլիքայի երիտասարդներու եւ պատանիներու ''Խաղաղութեան Կարաւանը''։

''Ացիոնէ Քաթթոլիքա'' Իտալական եկեղեցական շարժումի կազմակերութեամբ, երեք հազար պատանիներ եւ երիտասարդներ՝ ժամանած իտալիոյ զանազան ժողովրդապետութիւններէն եւ Կաթողիկէ դպրոցներէն, առաջնորդութեամբ՝ անոնց ծնողաց եւ դաստիարկներուն , կիրակի 26 յունուարին, առաւօտեան ժամը 08,30 ին, համախմբուեցան՝ Հռոմի Քասթէլ Սանթ Անճէլօ կոչուած՝ դղեակի հրապարակին վրայ, կազմելով ''Խաղաղութեան Կարաւան'' մը եւ որպէս կարգախօս ունենալով` ''Խաղաղութիւնը վտանգի մէջ է ''։
Երիտասարդներն ու մանուկները ապա ''կարաւանի մը նման'', կ՛ուղղուին Սուրբ Պետրոսի հրապարակը ուր` Կարտինալ Ակոսթինօ Վալլինիի գլխաւորութեամբ, կը մասնակցին՝ Ֆրանչիսկոս Սրբազան Քահանայապետի կիրակնօրեայ Հրեշտակ Տեառն Մարեմեան աղօթքին որուն ընթացքին ''Ացիոնէ Քաթթոլիքայի'' անդամ երկու պատանիներ, Ֆրանչիսկոս Քահանայապետի հետ միասին, քահանայապետական գրասենեակի պատուհանէն ազատ կ՛արձակեն խաղաղութիւնը խորհրդանշող երկու սպիտակ աղաւնիներ։